Jambyl oblystyq drama teatry Astanada óner kórsetedi
ASTANA. QazAqparat - Jambyl oblystyq qazaq drama teatry 11-12 mamyr kúnderi aralyǵynda Astana qalasynda gastroldik saparyn ótkizedi.
Gastrol barysynda kórermenderge teatr repertýaryndaǵy Q.Ysqaq pen Sh.Qusaıynovtyń «Qazaqtar», I.Saparbaıdyń «Syǵan serenadasy» qoıylymdarymen qatar jas búldirshinderge arnalǵan Á.Faızýllaulynyń «Altyn adam» ertegisin tamashalaı alady.
Іs-sapardyń negizgi maqsaty - Qazaqstan Respýblıkasy Táýelsizdiginiń 25 jyldyǵyna jáne teatrdyń 80 jyldyǵyna oraı, Astana qalasy kórermenderimen júzdesip, shyǵarmashylyq esep berý, akterlyq ónerdi halyq arasyna keńinen nasıhattaý, teatr óneriniń damýyna yqpal etý.
Spektaklder Astana qalasy ákimdigi «Jastar teatrynyń» sahnasynda ótedi.
