Jambyl men Ońtústik Qazaqstan oblystarynda pnevmokokk ınfektsııasyna qarsy 132 432 bala egildi

QR Densaýlyq saqtaý mınıstrliginiń baspasóz qyzmetinen málim etkendeı, «Salamatty Qazaqstan» memlekettik baǵdarlamasyna sáıkes elimizde pnevmokokk ınfektsııasyna qarsy egý sharalary kezeń-kezeńmen júrgizilýde.

Máselen, 2010 jyly egý jumystary Shyǵys Qazaqstan men Mańǵystaý oblystarynda bastalyp, 117 708 bala egildi. Al 2011 jyly atalmysh jumystar Jambyl jáne Ońtústik Qazaqstan oblystarynda jalǵasyp, 132 432 egildi. Atalǵan óńirlerde vaktsınadan keıingi asqynýlar tirkelgen joq.

2012 jyly pnevmokokk ınfektsııasyna qarsy vaktsınatsııalaýdy Qaraǵandy, Qyzylorda jáne Soltústik Qazaqstan oblystarynda engizý josparlanyp otyr. Qazirgi ýaqytta atalǵan 7 óńir úshin 2012 jylǵa pnevmokokk vaktsınasyna satyp alyndy.

«Pnevmokokk ınfektsııasy álemde jyl saıyn 5 jasqa deıingi balalar arasynda 1 mln. jýyq ólim-jitimge aparyp soqtyratyn, balalardyń syrqattanýshylyǵy men ólim-jitiminiń eń kóp taralǵan sebepteriniń biri bolyp otyr. Dúnıejúzilik densaýlyq saqtaý uıymy pnevmokokk ınfektsııasyna qarsy vaktsınatsııalaýdy balalardy ımmýndaýdyń ulttyq baǵdarlamalaryna engizýdi usyndy. DDU derekteri boıynsha egý arqyly 2030 jylǵa qaraı álem boıynsha 5,4-7,7 mln-ǵa deıin balalardy ólim aýzynan aman alyp qalýǵa bolady.