Jambyl lokomotıv deposynyń ókili N.Nurseıitov Qazaqstannyń úzdik mashınıst-nusqaýshysy atandy
ASTANA. 1 naýryz. QazAqparat /Muratbek Maqulbekov/ - «Lokomotıv» aktsıonerlik qoǵamy ótkizgen «Jyldyń úzdik mashınıst-nusqaýshysy» konkýrsynyń qorytyndysy boıynsha Jambyl lokomotıv deposynyń mashınıst-nusqaýshysy Nurbolat Nurseıitov úzdik dep tanyldy.
Bul týraly kompanııanyń baspasóz qyzmetinen habarlady.
Al ekinshi oryndy Almaty lokomotıv deposynyń ókili Dmıtrıı Zınchenko, úshinshi oryndy Jem lokomotıv deposynyń mashınıst-nusqaýshysy Rahmetjan Baıtanatov ıelendi.
Jeńimpazdarǵa dıplomdar tabys etildi. Sondaı-aq, birinshi oryn alǵan Nurbolat Nurseıitovtiń jalaqysyna jyl boıyna 15 paıyz kóleminde qosymsha derbes ústeme taǵaıyndaldy.
Konkýrstyń maqsaty - úzdik mashınıst-nusqaýshylardy anyqtaý, kásibı sheberlikti jetildirý, osynaý kásipti nasıhattaý jáne komandalyq-nusqaýshylyq quramnyń jumys tıimdiligin arttyrý jáne sapa menedjmentiniń yqpaldasqan júıesin engizý aıasynda basqarýdy jaqsartý boldy.
