Jambyl Kókeev jańa maýsymda «Astana» fýtbol klýbynda óner kórsetetin boldy
ALMATY. 13 qańtar. QazAqparat /Erlik Erjanuly/ - Bıylǵy maýsymda Qaraǵandynyń «Shahter» fýtbol klýby quramynda el chempıony atanǵan Jambyl Kókeev «Astanaǵa» qaıta oraldy.
2009, 2010 jyldary «Astana» sapynda óner kórsetken Jambyl bıyl Qazaqstan chempıonatynda 27 match ótkizip, onda 9 ret qarsylastar qaqpasynan sańylaý tapqan bolatyn. 23 jastaǵy jartylaı qorǵaýshy ulttyq quramada 24 oıyn ótkizip, 2 ret mergendigimen tanyldy. El birinshiliginde 2 ret Qazaqstan chempıony, 1 ret kúmis júldeger jáne 1 ret Qazaqstan kýbogynyń jeńimpazy atanǵan ol el quramasynda óner kórsetken eń jas aıaqdopshy. 17 jasynda ulttyq qurama jeıdesin kıgen J. Kókeev 2008 jyly Qazaqstannyń eń úzdik jas fýtbolshysy dep tanylǵan bolatyn.
