Jambyl, Qaraǵandy oblystary jáne Astanada múgedekterdi tropezdik-ortopedııalyq quraldarmen qamtamasyz etý jaǵy kemshin
ASTANA. 28 mamyr. QazAqparat - Birneshe oblys pen Almaty qalasynyń múgedekteri tropezdik-ortopedııalyq quralmen 100 paıyz qamtamasyz etilgen.
Bul týraly búgin Úkimet otyrysynda 2012-2018 jyldarǵa arnalǵan múgedekterdiń ómir sapasyn jaqsartý jáne quqyqtaryn qamtamasyz etý boıynsha is-sharalar josparynyń birinshi kezeńiniń júzege asyrylýy týraly baıandama jasaǵan QR Eńbek jáne halyqty áleýmettik qorǵaý mınıstri Serik Ábdenov aıtty.
Onyń atap ótýinshe, múgedekterdiń basym bóligi tropezdik-ortopedııalyq quraldarmen qamtamasyz etilgen. Ótken jyldyń qorytyndysy boıynsha 16,7 myń adam qamtamasyz etilse, jalpy tropezdik-ortopedııalyq quraldardy qajet etetin múgedekterdiń sany 19,1 myń adamdy quraıdy.
«Atalǵan quraldarmen Aqmola, Almaty, Atyraý, Batys Qazaqstan, Qostanaı, Pavlodar oblystary jáne Almaty qalasy 100 paıyz qamtamasyz etilgendigi baıqalady. Degenmen Jambyl, Qaraǵandy oblystary jáne Astana qalasynda tropezdik-ortopedııalyq quraldarmen qamtamasyz etý paıyzy tómen bolyp otyr»,-dedi ol.
Mınıstrdiń atap ótýinshe, tropezdik-ortopedııalyq salany tıimdi damytý úshin jarǵylyq kapıtalyna memlekettiń 100 paıyz qatysýymen «Respýblıkalyq protezdik-ortopedııalyq ortalyǵy» aktsonerlik qoǵamy qurylǵan.
