Jambyl HQKO-larynda ısharatpen sóılese bastady
TARAZ. QazAqparat - Jambyl oblysynda Halyqqa qyzmet kórsetý ortalyǵy múmkindigi shekteýli tulǵalarǵa memlekettik qyzmet kórsetý boıynsha jaǵdaı jasaýda, dep habarlaıdy «QazAqparat» HAA tilshisi.
«Azamattarǵa arnalǵan úkimet» memlekettik korporatsııasy» UAQ Jambyl oblysy boıynsha fılıaly - «Halyqqa qyzmet kórsetý ortalyǵy» departamentiniń dırektory Danııar Medetbekov habarlaǵandaı, departament bólimshelerinde múmkindigi shekteýli jandarǵa memlekettik qyzmet kórsetý úshin barlyq jaǵdaılar jasalǵan.
«Ol úshin barlyq bólimshelerde pandýstar, mamandy shaqyrý túımeleri ornatylǵan, atalmysh tulǵalardy kezeksiz qabyldaýǵa arnalǵan jeke terezeler de bar. Qyzmet kórsetý sapasyn arttyrý maqsatynda departament, «Asar» Jambyl oblystyq múgedektermen jumys jasaıtyn uıymdardyń odaǵy», sondaı-aq áleýmettik baǵdarlamalar jáne jumyspen qamtýdy úılestirý basqarmasymen úshjaqty memorandým jasaldy», - dep túsindirdi ol.
Endigide, 1 414 Biryńǵaı baılanys ortalyǵy arqyly múmkindigi shekteýli jandar (1 jáne 2-toptaǵy múgedekter) memlekettik qyzmetti departament mamanyn úıine shaqyrý arqyly ala alady.
«2016 jyly mamandar 1 327 úıge baryp, 2 585 qyzmet kórsetti, dep atap ótti D. Medetbekov. - Sonymen qatar departamenttiń 42-i mamany ısharat tilin úırenip, sertıfıkat aldy. Bıylǵy jyly qosymsha 6 mamandy oqytý josparda bar».
