Jambyl Ahmetbekovtiń shtab ókilderi Qyzylordada eńbek ujymymen kezdesti

NUR-SULTAN. QazAqparat - Qazaqstan kommýnıstik halyq partııasy atynan QR Prezıdenttigine kandıdat Jambyl Ahmetbekovtiń Qyzylorda oblystyq saılaýaldy shtaby ókilderi qalalyq avtobýs parkiniń eńbek ujymymen kezdesti.

QKHP Qyzylorda oblystyq saılaýaldy shtabynyń jetekshisi T.Teleýbaev jınalǵandarǵa partııanyń saılaýaldy tuǵyrnamasyn tanystyrdy.

Ol marksıstik-lenındik ustanymdardyń mańyzdy tustaryn tilge tıek etip, kommýnıstik tárbıeniń tájirıbelik aspektileri men kommýnısterdiń batystyń keri qundylyqtaryna qarsy júrgizip jatqan jumystaryna toqtaldy.

Sondaı-aq, ol saılaýshylardy 9 maýsym kúni ótetin kezekten tys Prezıdent saılaýynda belsendi bolýǵa jáne azamattyq boryshtaryn oryndaýǵa shaqyrdy.

Eske sala keteıik, QR Prezıdentiniń saılaýy 9 maýsym kúni ótedi. Saılaýǵa 7 kandıdat tirkeldi.