Jambyl Ahmetbekovtiń senimdi ókili Tarazda tiginshilermen kezdesti

NUR-SULTAN. QazAqparat - 29 mamyrda QR Prezıdenttigine úmitker Jambyl Ahmetbekovtyń senimdi ókili Taraz qalasyndaǵy «Dana-del» JShS eńbek ujymymen kezdesti. Bul jóninde Qazaqstannyń kommýnıstik halyq partııasynyń baspasóz qyzmeti habarlady.

Bul kásiporyn - tigin ónerkásibi salasyndaǵy iri atelelerdiń biri. Osy kásipti úırenem deýshilerge arnalǵan oqý ortalyǵy da bar. Halyq kommýnısiniń ókili Jarylqasyn Nuralıev óndirilip jatqan ónimniń sapasyn joǵary baǵalap, usynylyp otyrǵan taýarlar suranysty qanaǵattandyratynyn atap ótti. Ol atalmysh kásiporyn memlekettiń áleýmettik baǵdarlamalaryn qoldaý arqyly ondaǵan otbasyn jumyspen, turaqty jalaqymen qamtyp otyrǵanyna toqtaldy.

Budan keıin senimdi ókil eńbek adamynyń múddesi, kedeıshilikpen kúres, sonymen qatar jalǵan qundylyqtardan bas tartý - saılaýaldy tuǵyrnamanyń basym baǵyty ekenin aıtty.

Qatysýshylar úmitkerdiń senim bildirilgen ókilin muqııat tyńdap, ózderin tolǵandyrǵan suraqtaryn qoıdy. Suraq qoıý barysynda turǵyndar qalanyń ekologııalyq jaǵdaıyna alańdaıtyndaryn jetkizdi.