Jambyl Ahmetbekovtiń senimdi ókili taldyqorǵandyq saılaýshylarmen kezdesti

NUR-SULTAN. QAZaQPARAT - Qazaqstan kommýnıstik halyq partııasynan prezıdenttikke úmitker Jambyl Ahmetbekovtiń senimdi ókili taldyqorǵandyq saılaýshylarmen kezdesti, dep habarlaıdy partııanyń baspasóz qyzmeti.

Kandıdattyń senimdi ókili, Almaty oblystyq saılaýaldy shtabynyń jetekshisi Sáýle Bıǵarova Taldyqorǵan qalasynyń D.Qonaev atyndaǵy etnografııalyq mýzeıin aralap, Oqýshylar saraıynda saılaýshylarmen kezdesti.

Sáýle Bıǵarova aqshaǵa tabynýshylyq, kez kelgen jolmen tabys tabý jáne adamgershilikke jat dástúrler Otanymyz úshin qaýipti ekenin aıtty. Sonymen qatar ol QKHP úmitkeriniń saılaýaldy tuǵyrnamasyn tanystyryp, qujatta jalǵan qundylyqtardan bas tartý máselesi atap kórsetilgenin sóz etti.

Oblystyq saılaýaldy shtab jetekshisi Qazaqstannyń árbir azamaty eldiń bolashaǵyna jaýapty ekenin alǵa tartyp, saılaýdyń mańyzy jaıly áńgimeledi. Ol barsha qazaqstandyqtardy 9 maýsym kúni saılaýda daýys berýge shaqyrdy.