Jambyl Ahmetbekov shtaby Tekeli ustazdaryna saılaýaldy baǵdarlamasyn túsindirdi

TEKELІ. QazAqparat - Almaty oblysy Eskeldi aýdany Tekeli qalasynda Almaty oblystyq saılaýaldy shtabynyń jetekshisi Sáýle Bıǵarova №5 mektep-lıtseıiniń pedagogıkalyq ujymymen kezdesti. Bul týraly Qazaqstannyń kommýnıstik halyq partııasynyń baspasóz qyzmeti habarlady.

Basqosý barysynda Sáýle Bıǵarova ustazdar qaýymyna Qazaqstan Kommýnıstik Halyq partııasynyń qyzmeti men kandıdat Jambyl Ahmetbekovtiń saılaýaldy tuǵyrnamasyn tanystyrdy.

Oblystyq saılaýaldy shtab jetekshisi urpaq tárbıesi úshin ustazdar qaýymyna alǵys bildirip, olardyń barlyǵyn 9 maýsymdaǵy kezekten tys saılaýǵa bir kisideı qatysyp, daýys berýge shaqyrdy.

Jıyn barysynda Sáýle Bıǵarova ustazdar qaýymymen bilim salasynyń ózekti máselelerin talqylap, pikir almasty. Negizgi áńgime muǵalim mártebesi tóńireginde órbidi.