Jambyl Ahmetbekov shtaby óńirlik úgit toptarymen keńeıtilgen otyrys ótkizdi

NUR-SULTAN. QazAqparat - Prezıdenttikke úmitker Jambyl Ahmetbekovtyń Nur-Sultan qalasyndaǵy respýblıkalyq saılaýaldy shtab jetekshisi Aıqyn Qońyrovtyń tóraǵalyǵymen partııanyń úgit toptarynyń oblystyq shtabtarymen keńeıtilgen otyrys ótti. Jıyn vıdeokonferentsııa rejiminde uıymdastyryldy, dep habarlaıdy Qazaqstannyń kommýnıstik halyq partııasynyń baspasóz qyzmeti.

Jıynǵa qatysýshylar úgit-nasıhat jumysy men qoldanystaǵy zańnamalardy saqtaýǵa qatysty birqatar suraqtardy talqylady. Úmitkerdiń aımaqtardaǵy saılaýshylarmen kezdesýleri týraly qysqasha baıandalyp, qatardaǵy azamattar partııanyń jumysyna, onyń ıdeıalary men ustanymdaryna qyzyǵýshylyq tanytyp jatqany atap ótildi.

Respýblıkalyq shtab jetekshisi A. Qońyrov aǵymdaǵy jaǵdaı men shtab jumysy jaıly aıtyp berdi. Ol barlyq is-sharalar belgilengen ýaqytynda jáne josparǵa saı ótkizilip jatqanyn aıtty. BAQ-qa úmitkerdi qoldaý maqsatynda jarnama berildi, jarnama qurylǵylaryna saılaýaldy bılbordtar ilingen, áleýmettik jelilerde belsendi jumys atqarylyp jatyr.

Sonymen qatar, qalalyq jáne oblystyq komıtetterdiń birinshi hatshylarynyń aralyq esepteri tyńdaldy.

Kezdesý sońynda spıkerler shtab qyzmetkerlerine alǵys bildirip, saılaýaldy jarys qyzyp jatqanyn, alda áli de jemisti eńbek atqarý kerektigin aıtty.