Jambyl Ahmetbekov shtaby elordada sporttyq fleshmob uıymdastyrdy

NUR-SULTAN. QazAqparat - 6 maýsym kúni prezıdenttikke úmitker Jambyl Ahmetbekovtiń Nur-Sultan qalasyndaǵy saılaýaldy shtaby «QKHP salaýatty ómir saltyn qoldaıdy» atty fleshmob uıymdastyrdy. Bul jóninde Qazaqstan kommýnıstik halyq partııasynyń baspasóz qyzmeti habarlady.

Bul kúni QR Prezıdenttigine úmitker Jambyl Ahmetbekovtiń senimdi ókilderi men partııa belsendileri Jastar saraıynyń janyna jınaldy.

Qalalyq saılaýaldy shtab jetekshisi N.Orazhanov qatysýshylar aldynda sóz sóılep, azamattar men memlekettiń Qazaqstan bolashaǵy aldyndaǵy ortaq jaýapkershiligin tilge tıek etti. Orazhanov úmitkerdiń jumys saparlary men saılaýshylarmen óńirlerdegi kezdesýleri týraly aıtty. Onyń aıtýynsha, qatardaǵy azamattar partııanyń jumysyna, onyń ıdeıalary men ustanymdaryna qyzyǵýshylyq tanytyp jatyr.

Budan keıin partııa nyshandary beınelengen kıim kıgen jastar keńes jyldaryndaǵy áýenmen jattyǵýlar keshenin jasady.