Jambyl Ahmetbekov Óskemende kolledj stýdentterimen kezdesti

ÓSKEMEN. QazAqparat - 4 maýsym kúni QR Prezıdenttigine úmitker Jambyl Ahmetbekov Óskemendeegi ekonomıka jáne qarjy kolledjiniń oqytýshy-professorlar quramymen jáne stýdentterimen kezdesti. Bul jóninde Qazaqstan kommýnıstik halyq partııasynyń baspasóz qyzmeti habarlady.

QR Prezıdenttigine úmitker Jambyl Ahmetbekov Qazaqstan kommýnıstik halyq partııasy QR Parlamenti Májilisinen oryn alyp otyrǵan saıası uıym ekenin jáne memlekettik deńgeıde halyq múddesin qorǵaıtynyn aıtty. Budan keıin spıker saılaýaldy tuǵyrnamanyń basym baǵyttaryn tanystyryp, tuǵyrnama kommýnıstik ıdeologııa ustanymdarynan bastaý alatynyn tilge tıek etti.

Jambyl Ahmetbekov atalmysh partııanyń AÓK ónimderine tutynýshylyq suranysty arttyrýmen birge kedeılikpen kúres baǵdarlamasyn qabyldaý, ony iske asyrý jáne otandyq taýarǵa suranysty arttyrýdy birneshe ret usynǵanyn jáne onyń júzege asyrylýy úshin jumys isteıtinin atap ótti.

Kezdesý sońynda spıker saılaýshylardy 9 maýsym kúni ótetin kezekten tys prezıdent saılaýynda belsene qatysyp, laıyqty úmitkerge daýys berýge shaqyrdy.