Jambyldyqtar soǵys ardageriniń úıinde tazalyq jumystaryn júrgizdi
TARAZ. KAZINFORM - «Taza Qazaqstan» ekologııalyq aktsııasynyń «Ónegeli urpaq» aptalyǵy sheńberinde Uly Otan soǵysynyń ardageri Erejepbaı Mútáliptiń úıiniń kireberis jerindegi qabyrǵalardy syrlaý, aýlasyna abattandyrý jumystary júrgizildi.
Atalǵan ıgi sharaǵa «Turǵyn úı jóndeý Taraz» jaýapkershiligi shekteýli seriktestiginiń qyzmetkerleri, qalanyń belsendi jastary, volonterlar belsene atsalysty.
Shara sońynda Uly Otan soǵysynyń ardageri jastarǵa batasyn berip, alǵysyn jetkizdi.
– «Taza Qazaqstan» aktsııasynyń «Ónegeli urpaq» aptalyǵy sheńberinde qalamyzdyń jastary óz erikterimen kelip tazalyq jumystaryn júrgizýde. Jalpy, mundaı bastamany jastarymyzdyń qolǵa alyp, úılestirip otyrǵandaryna shyn júrekten qýanyshtymyn. Osy oraıda, qalamyzdyń turǵyndaryn «Taza Qazaqstan» respýblıkalyq aktsııasyna belsene qatysyp, shahardyń kórkeıýine úles qosýǵa shaqyramyn. Osy arqyly árbirimiz qala tazalyǵyn saqtap qana qoımaı, óskeleń urpaqty otansúıgishtik pen ulttyq tárbıege baýlımyz, – dedi qart maıdanger aǵynan jarylyp.
Jalpy, búginde oblys boıynsha 8 UOS ardageri bar. Aktsııa aıasynda barlyq ardagerdiń úılerinde abattandyrý jumystary júrgizildi.
