Jambyldyqtar Eldos Smetovti Taraz qaqpasynan kútip aldy
TARAZ. KAZINFORM – HHHІІІ jazǵy Olımpıada oıyndarynyń chempıony Eldos Smetov búgin elge oraldy. El mereıin asqaqtatqan sportshyny júzdegen jambyldyq jankúıerleri Taraz qalasynyń shyǵys qaqpasynan qarsy aldy.
Qarsy alýshylar qatarynda oblys ákimi Erbol Qarashókeev bastaǵan mekeme basshylary, sport ardagerleri, sportshylar men bapkerler, belsendi jastar bar.
Tórtjyldyqtyń basty dodasynda top jarǵan jambyldyq jampozdy ulyqtaý maqsatynda oblys ortalyǵynyń Jambyl dańǵyly, Ybyraıym Súleımenov kóshelerinde sherý uıymdastyrylyp, onyń sońy gala kontsertke ulasady.
Eske salaıyq, Eldos Smetov sońǵy úsh Olımpıada oıyndaryna qatysyp, bárinen oljaly oraldy. 2016 jyly Rıoda kúmis júlde jeńip alsa, Tokıo Olımpıadasyn qola júldemen aıaqtady. Osy joly altyn aldy medal aldy.
