Jambyldyq turǵyn patrýldik polıtseıge pyshaq suǵyp aldy
Jambyl oblysynyń turǵyny ózin toqtatqan patrýldik polıtseıdi pyshaqpen jaraqattady. QazAqparat bul týraly Rolisia.kz-ke silteme jasap habarlaıdy.
"20 qyrkúıek kúni Almaty-Tashkent avtojolynyń 168-shaqyrymynda polıtsııa qyzmetkeri jol erejesin óreskel buzǵany úshin Jambyl oblysy Qordaı aýdanynyń 61 jastaǵy turǵyny tizgindep kele jatqan Toyota Carina kóligin toqtatqan.
Hattama toltyrylyp jatqan kezde júrgizýshi patrýldik polıtsııa batalony qyzmetkeriniń moınyna jınalmaly pyshaq suǵyp alǵan.
Osy fakti boıynsha QR Qylmystyq kodeksiniń 380-1-baby 1-bóligi boıynsha (quqyq qorǵaý organy qyzmetkeriniń ómirine qol suǵý) sotqa deıingi tergeý bastaldy", - delingen málimette.
Jaýap alý kezinde er adam óziniń mundaı qadamǵa barýyna áıeliniń qaıtys bolýy jáne turmystyq máselelerge baılanysty depressııalyq jaǵdaıda júrýi sebep bolǵanyn aıtqan. Oılanbaı jasaǵan áreketiniń aýyrlyǵyn túsinip, jasaǵan isine ókinetinin jetkizgen.
«Polıtsııa qyzmetkeri aýrýhanaǵa jetkizildi. Ustalǵan adam Qordaı aýdandyq polıtsııa bóliminiń ýaqytsha ustaý ızolıatoryna qamaldy. Qyzmettik tergeý taǵaıyndaldy», - dedi polıtsııadan.
Aıta keteıik, jambyldyq turǵyn 15 jylǵa bas bostandyǵynan aıyrylýy múmkin.
