Jambyldyq turǵyn anasyn aýrýhanaǵa jedel jetkizgen polıtseıge alǵysyn bildirdi

TARAZ. KAZINFORM — Іshki ister organdaryna Jambyl oblysy polıtsııa departamenti bastyǵynyń atyna qyzmetker Bahtııar Rahmetbaevqa alǵys bildirgen hat kelip túsken. Bul týraly Polisia.kz jazdy.

«Taraz qalasy polıtsııa basqarmasynyń patrýldik polıtsııa batalonynyń qyzmetkeri tańǵy saǵat 05:40–ta aýmaqty patrýldeý kezinde qarsy baǵytta kele jatqan kóliktiń jaryǵyn toqtamastan jaǵyp-óshirgenin baıqaıdy. Polıtseı patrýldik kólikti kórgen soń júrgizýshiniń osylaısha kómek surap jatqanyn túsinedi. Kóliktiń terezesin ashqan kezde júrgizýshi «Shuǵyl! Júrek!» dep tek eki-aq sóz aıtyp úlgeredi», - delingen habarlamada.

Qyzmetker oılanbastan jaryq, sıgnaldaryn qosyp, kólikti aýrýhanaǵa jetkizedi. Keıin belgili bolǵandaı, kólikte Baıǵulov Іlııas esimdi júrgizýshiniń anasy otyrǵan.

«Ol aýyr jaǵdaıda bolyp, shuǵyl túrde aýrýhanaǵa jetkizýdi qajet etken. Uly jedel járdemdi kútpeı, jeke kóligimen Grodekovo aýylynan Taraz qalasyna shyqqan, biraq aýrýhananyń qaı jerde ornalasqanyn bilmegen. Aýrýhanaǵa kelgen soń dárigerler shuǵyl túrde júrekke ota jasaǵan», - dep habarlady QR ІІM.

Polıtsııa qyzmetkeriniń jedel áreketteriniń arqasynda áıeldiń ómiri men densaýlyǵyna qazirgi ýaqytta esh qaýip tónip turǵan joq.