Jambyldyq sheneýnikter qarjy joq degen jeleýmen balalardyń sportpen shuǵyldaný kezegin zańsyz toqtatqan

ASTANA. KAZINFORM – Taraz qalasynyń prokýratýrasy Jambyl oblysy sport basqarmasynyń balalardyń sport sektsııalaryna qol jetkizýde quqyqtaryn saqtaý máselesi boıynsha qyzmetine taldaý jasady.

Basqarma bıýdjet qarajaty joq degen jeleýmen bir jylǵa jýyq ýaqyt boıy balalardyń sportpen shuǵyldaný kezegin zańsyz toqtatqany anyqtaldy.

- Al, qoldanystaǵy zańnamada qarajat bolmaýyna baılanysty kezekti toqtata turýǵa qatysty normalar qarastyrylmaǵan.

Qalalyq prokýratýranyń qadaǵalaý aktisine sáıkes, «Damu bala» platformasynda zańsyz toqtatylǵan kezek qalpyna keltirilip, 4560 kámeletke tolmaǵan balanyń quqyqtary qorǵaldy, - dep jazdy baqylaýshy organnan.

Sonymen qatar, 4 adam tártiptik jaýapkershilikke tartyldy, onyń ishinde 2 basshy bar.

Taraz qalasynyń prokýratýrasy múmkindigi shekteýli balalardyń quqyǵyn qorǵaýǵa da nazar aýdardy.

Múmkindigi shekteýli balalarǵa arnalǵan arnaıy taksıler tek jumys kúnderi men kúndizgi ýaqytta tasymaldaý qyzmetin kórsetetini anyqtaldy.

Prokýratýranyń qadaǵalaý aktisi nátıjesinde «Invataksı» jumys rejımi qaıta qaraldy. Endi balalar taksı qyzmetin táýlik boıy, sonyń ishinde mereke jáne demalys kúnderide paıdalana alady.

Aıta keteıik, Jambyl oblysy memlekettik kirister departamentiniń bas mamany deldal bolǵany úshin sottaldy.