Jambyldyq polıtseıler iri kólemdegi esirtki tasymalynyń jolyn kesti
TARAZ. KAZINFORM – Jambyldyq polıtsııa qyzmetkerleri Shý aýdanynda Túrkistan oblysynyń jáne Almaty qalasynyń 2 turǵynyn jabaıy qarasorany daıyndaý jáne jınaý kezinde ustady.
Asa iri kólemdegi esirtki quraldaryn zańsyz daıyndaý, saqtaý deregin Polıtsııa departamenti Esirtki qylmysyna qarsy is-qımyl basqarmasy, «Delta-Dolına» aımaqtyq esirtki qylmysyna qarsy is-qımyl bólimi, «Suńqar» arnaıy maqsattaǵy jasaǵynyń qyzmetkerleri «Qarasora-2024» is-sharasy sheńberinde anyqtady.
Tárkilengen zattardyń jalpy salmaǵy 27 keli 500 gramm «kannabıs ósimdikteri» jáne 4 keli 760 gramm «keptirilmegen marıhýana» esirtki zaty bolyp tabylady.
- Ustalǵan adamdar buryn sotty bolǵandar. Olar óz kinásin tolyǵymen moıyndap Shý aýdanynyń ýaqytsha ustaý ızolıatoryna qamaqqa alyndy. Tergeý aıaqtalǵannan keıin is materıaldary sotqa jiberiletin bolady, - dedi Polıtsııa departamenti Esirtki qylmysyna qarsy is-qımyl basqarmasy bastyǵynyń mindetin atqarýshy Asqar Jumabekov.
