22:51, 15 Aqpan 2024 | GMT +6
Jambyldyq polıtseıler Qyzyl kitapqa engen janýardy atqan turǵyndy ustady
TARAZ. KAZINFORM - Jambyl oblystyq Polıtsııa departamentiniń qyzmetkerleri «Brakoner» jedel aldyn alý is-sharasy barysynda «Sapsan» jedel qyzmeti ınspektorlarymen birlesip, brakonerlik deregin jasady degen kúdikpen Talas aýdanynyń 48 jastaǵy turǵynyn ustady.
Onyń turyp jatqan qumdy aımaqtaǵy sharýa qojalyǵyn tekserý barysynda Qyzyl kitapqa engen qaraquıryq janýarynyń týshasy, sondaı-aq 2 tegis uńǵyly qarý tabylyp, tárkilengen.
Departamenttiń baspasóz qyzmeti taratqan aqparatqa súıensek, qazirgi tańda zańsyz ań aýlaý deregi boıynsha sotqa deıingi tergeý amaldary bastalyp, sot saraptamalary taǵaıyndalǵan.
Aıta keteıik, Jambyl oblysynyń Polıtsııa departamenti 1- 29 aqpan aralyǵynda aımaqta «Brakoner» jedel-aldyn alý is-sharasyn ótkizip jatyr.
