Jambylda kásipker lıtsenzııasynan aıyrylyp, 3 mln teńge aıyppul arqalady
ASTANA. KAZINFORM — Jambyl oblysynda alkogol ónimderin satýǵa baqylaý kúsheıtildi. Zańnama talaptaryn buzǵan 25 adam ákimshilik jaýapkershilikke tartyldy, dep habarlaıdy oblystyq prokýratýranyń baspasóz qyzmeti.
Jambyl oblysynyń Baızaq aýdanynda qoǵamdyq tártipti nyǵaıtý jáne salaýatty ómir saltyn nasıhattaý maqsatynda «Alkogolsiz aýyl» bastamasy iske asyrylyp jatyr. Qazirgi tańda aýdan prokýratýrasynyń úılestirýimen, sondaı-aq aqsaqaldar men jergilikti turǵyndardyń qoldaýymen Abaı, Bazarbaı jáne Baızaq aýyldarynda alkogoldik ishimdikterdi satý tolyǵymen toqtatyldy.
Degenmen zańdy elemegen 25 kásipker ákimshilik jaýapkershilikke tartyldy.
Baızaq aýdandyq sotynyń 2026 jylǵy 26 aqpandaǵy qaýlysymen iri sýpermarketterdiń biri táýliktiń tyıym salynǵan ýaqytynda alkogoldik ónimderdi satqany úshin kináli dep tanylǵan. Kásipkerge 432 myń teńge mólsherinde aıyppul salyp, lıtsenzııasynyń qoldanylýyn bir aı merzimge toqtatty. Reıd kezinde kásipkerdiń engizilgen shekteýlerge qaramastan, lıtsenzııa toqtatylǵan kezeńde alkogoldik ónimderdi saqtaý faktisi anyqtaldy.
Prokýrorlyq qadaǵalaý aktisi boıynsha kásiporyn ÁQBtK-niń 282-babynyń 1-bóliginiń 7)-tarmaǵy boıynsha kináli dep tanylyp, lıtsenzııadan aıyra otyryp, 3 mln teńgeden astam mólsherde aıyppul túrinde ákimshilik jazaǵa tartyldy.
Vedomstvonyń málimetinshe, aýdandarda qabyldanǵan sharalar mas kúıinde jasalǵan qylmystar sanynyń 73,4%-ǵa tómendeýine yqpal etken.
Aıta keteıik, buǵan deıin Túrkistan oblysynda 119 kásipker lıtsenzııasyz alkogol ónimderin satqany anyqtaldy.
