Jambyldaǵy múmkindigi shekteýli jandardyń shaǵymynan keıin zerthana birinshi qabatqa kóshirildi
ASTANA. KAZINFORM — Jambyl oblysynda «Olımp» JShS-de múmkindigi shekteýli azamattardyń ǵımaratqa kirip, zerthana qyzmetin alýyna jaǵdaı jasalmaǵany anyqtalǵannan keıin 279 myń teńge aıyppul salyndy.
Oblys boıynsha Eńbek jáne halyqty áleýmettik qorǵaý komıteti departamenti jospardan tys tekserý júrgizdi. Mamandar qozǵalysy shekteýli azamattardyń zerthana ornalasqan ǵımarattyń ekinshi qabatyndaǵy kabınetke kirýge qajettiligi bolǵanymen, oǵan kóterile almaıtynyn anyqtady.
Baqylaýshy organnyń aralasýynan keıin kompanııa birinshi qabattan tolyq jabdyqtalǵan kabınet ashty. Endi múgedektigi bar azamattarǵa qyzmet alý úshin ekinshi qabatqa kóterilýdiń qajeti joq.
Qazirgi tańda Jambyl oblysynda 45 918 múgedektigi bar adam turady. Onyń ishinde 7 myńǵa jýyǵy — balalar. Vedomstvo nysandardyń qoljetimdiligin baqylaý jumystary jyldyń ekinshi jartysynda da jalǵasatynyn málimdedi.
Aıta keteıik, elimizde 31,6 myńnan astam nysan múgedektigi bar adamdar úshin beıimdeldi.
Kelesi jylǵa deıin 12 óńirde 1 850 oryndyq ońaltý ortalyǵy ashylady.
