Jambyldaǵy bes stantsııada vokzaldardy rekonstrýktsııalaý júrip jatyr
ASTANA. KAZINFORM — Kólik mınıstrliginiń ǵımaratynda vıtse-mınıstr Jánibek Taıjanovtyń tóraǵalyǵymen Jambyl oblysyndaǵy temirjol vokzaldaryn rekonstrýktsııalaý máseleleri boıynsha jumys keńesi ótti.
Mınıstrliktiń baspasóz qyzmetiniń málimetinshe, keńeske Jambyl oblysy ákiminiń orynbasary, QR Ónerkásip jáne qurylys mınıstrliginiń, «Memsaraptama» RMK, «Qazaqstan temir joly» UK» AQ ókilderi, sondaı-aq merdiger uıymdar qatysty.
Keńes barysynda Borandy, Otar, Taraz, Túrksib jáne Shý stantsııalaryndaǵy vokzaldardy rekonstrýktsııalaý jobalary qaraldy.
— Jumys kesteleriniń saqtalýy, qurylys-montaj jumystarynyń sapasy, sondaı-aq rekonstrýktsııa kezeńinde jolaýshylarǵa qolaıly qyzmet kórsetý úshin ýaqytsha ınfraqurylymdy uıymdastyrý máseleleri talqylandy. Sonymen qatar, baǵdarlamaǵa engizilgen barlyq vokzal keshenderin aǵymdaǵy jyly aıaqtaý josparlanyp otyrǵany atap ótildi, — delingen habarlamada.
Keńes qorytyndysy boıynsha «QTJ» UK» AQ-ǵa, merdiger jáne jobalaý uıymdaryna jobalardy iske asyrý qarqyny men sapasyn qamtamasyz etý boıynsha tıisti tapsyrmalar berildi.
Vokzaldardy rekonstrýktsııalaý Jambyl oblysynyń turǵyndary men qonaqtary úshin temirjol ınfraqurylymynyń jaılylyǵy, qaýipsizdigi jáne qoljetimdiligin arttyrýǵa baǵyttalǵan.
Osydan buryn Astananyń eski vokzalyn zamanaýı talaptarǵa saı qaıta qalpyna keltirý jumystary júrgizilip jatqanyn jazdyq.
