Jambyldaǵy «Asa-Aqkól» trassasynda jol apatynan bir adam qaza boldy

ASTANA. KAZINFORM — Avtobýspen soqtyǵysqan jeńil kóliktegi jolaýshy oqıǵa ornynda mert boldy, al júrgizýshisi aýrýhanaǵa jetkizildi, dep habarlaıdy Kazinform tilshisi. 

Jambyl oblystyq polıtsııa departamentiniń málimetinshe, jol-kólik oqıǵasy faktisi boıynsha qylmystyq is qozǵaldy. Zardap shekken basqa eshkim joq. 

Aldyn ala málimetke sáıkes, Van Hool avtobýsynyń júrgizýshisi kólikti basqara almaı, qarsy baǵytta kele jatqan Volkswagen Golf kóligimen soqtyǵysty. 

Qazir oqıǵanyń barlyq mán-jaıyn anyqtaý úshin keshendi tergeý amaldary júrgizilip jatyr. 

Polıtsııa sonymen qatar aımaq turǵyndaryn aýa raıynyń nasharlaýyna baılanysty uzaq sapardan bas tartýǵa, ornatylǵan jyldamdyq rejımin, qaýipsiz qashyqtyqty saqtaýǵa jáne resmı aqparatty muqııat baqylaýǵa shaqyrdy.

Osyǵan deıin Aqtóbe-Atyraý tasjolynda 10 kólik soqtyǵysqany habarlandy. 

Al Aqtóbede jol-kólik apatynan tórt adam mert boldy.