Jambylda jasóspirimder arasyndaǵy janjaldan keıin qylmystyq is qozǵaldy
ASTANA. KAZINFORM — Jambyl oblysynda basqa jasóspirimmen janjaldasqan 9-synyp oqýshysy jansaqtaý bólimine tústi. Polıtsııa qylmystyq is qozǵap, sondaı-aq oqıǵaǵa qatysty bopsalaý dereginiń bar-joǵyn tekserip jatyr, dep habarlaıdy Kazinform tilshisi.
Oqıǵa 31 qazan kúni keshke Jambyl aýdanyna qarasty Birlesý-Eńbek aýylynda bolǵan.
Jambyl oblystyq polıtsııa departamentiniń málimetinshe, aldyn ala derek boıynsha, burynnan tanys kámeletke tolmaǵan eki jasóspirimniń arasynda janjal týyndaǵan. Jábirlenýshi aýrýhanaǵa jetkizilgen. Oqıǵaǵa qatysqandardyń barlyǵy ustalyp, polıtsııa bólimine jetkizildi.
— Atalǵan derek boıynsha polıtsııa qylmystyq is qozǵady. Qazirgi ýaqytta tergeý amaldary jalǵasyp jatyr. Sondaı-aq bopsalaý deregine qatysty ýájder tekserilip jatyr. Tergeý barysy oblystyq polıtsııa departamenti basshylyǵynyń baqylaýynda, — dep habarlady vedomstvodan.
Buǵan deıin Jambyl oblysynda ata-analar balabaqshada eki jasar balaǵa kúsh qoldanylǵanyn málimdedi. Qazir balabaqsha tárbıeshisine qatysty tergeý júrgizilip jatyr.
