Jambylda zeınetaqy taǵaıyndaý tártibi jeńildetildi
TARAZ. KAZINFORM – «Azamattarǵa arnalǵan úkimet» memlekettik korporatsııasynyń Jambyl oblysy boıynsha fılıaly zeınetke shyǵý protsesin aıtarlyqtaı jeńildetti.
Endi azamattar zeınet jasyna 3 aı qalǵanda Halyqqa qyzmet kórsetý ortalyǵyna baryp, bolashaq zeınetaqy mólsherin aldyn ala eseptete alady.
- Al zeınet jasyna tolýyna 10 kún qalǵanda azamattar qajetti qujattardy HQKO nemese elektrondy úkimet portaly arqyly tapsyryp, resmı ótinish bere alady. Qujattar áleýmettik bólimderge elektrondy túrde joldanady, keıin oblystyq basqarma men Halyqty áleýmettik qorǵaý salasyndaǵy departament tarapynan tekserilip, bekitiledi, - dep jazdy vedomstvodan.
Derekke qaraǵanda, sheshim týraly aqparat azamattyń uıaly telefonyna SMS habarlama arqyly joldanady.
Bul jańashyldyq zeınetaqy taǵaıyndaý ýaqytyn qysqartyp, halyqqa qolaıly jaǵdaı jasaýdy kózdeıdi.
Aıta keteıik, Jambyl oblysynda 7 jetim bala baspanaly boldy.