Jambylda turǵyn úılerge de jylý berile bastady

TARAZ. KAZINFORM – Jambyl oblysynda aldaǵy jylytý maýsymynda turǵyndar tutynatyn kómirdiń jospary 144,8 myń tonna qurap otyr.

Ótken jylǵy josparmen salystyrǵanda kómirge qajettilik 5,1 myń tonnaǵa tómendegen. Bul byltyr gazdandyrylǵan 11 eldi mekenniń nátıjesinde qalyptasqan.

Búgingi kúnge deıin jalpy 51,2 myń tonna kómir jetkizildi. Bul kómir otyny jylytý maýsymy kezeńinde tasymaldanatyn bolady. Sondaı-aq, óńirdegi temirjol tuıyqtarynda 13,5 myń tonna kómir qory bar.

Jalpy oblystaǵy 350,7 shaqyrym jylý jelileriniń 55,5 paıyzynyń tozyǵy jetken. Bıyl Taraz qalasynyń 4,6 shaqyrym M-1 jylý magıstralyn, Qarataý qalasynyń 3,9 shaqyrym jáne Jańatas qalasynyń 700 metr jylý jelileri qaıta jańǵyrtý, 4 qaladaǵy 7 shaqyrym jylý jelilerin kúrdeli jáne aǵymdaǵy jóndeý jumystary nátıjesinde jylý jelileriniń tozý deńgeıi 54 paıyzǵa tómendedi.

Oblys aýmaǵyndaǵy 9 jylý energetıka keshenderi jáne 593 avtonomdy qazandyqtarmen 1 646 kópqabatty turǵyn úıler men 1 737 áleýmettik nysandar jylýmen qamtamasyz etiledi. Bulardyń jylytý maýsymyna daıyndyǵy 100 paıyzdy qurady.

7 qazannan bastap bilim jáne densaýlyq nysandary jylytý júısine qosylsa, 15 qazannan bastap jylý turǵyn úılerge de berile bastady.

Aıta ketsek, biz buǵan deıin Tarazda áleýmettik nysandarǵa jylý berile bastaǵanyn jazǵan bolatynbyz.