Jambylda tamaqtan ýlanǵan balalar: 12 túrli taǵamnan ishek taıaqshasy tabyldy

Jambyl oblysy Baızaq aýdany Sarykemer aýyly N.Kıikbaev atyndaǵy mektep-gımnazııasyndaǵy tamaqtan ýlaný jaǵdaıy boıynsha saraptama qorytyndysy shyqty, dep habarlaıdy Kazinform.

Jambyl oblystyq polıtsııa departamenti baspasóz qyzmetiniń bergen málimetinshe, búginde atalǵan mektepte taǵamnan ýlaný deregi boıynsha polıtsııa departamenti Qylmystyq Kodekstiń 304- baby 1-bólimimen sotqa deıingi tergeý amaldaryn bastaǵan.

Jambyl oblysynyń sanıtarlyq-epıdemıologııalyq baqylaý departamentiniń alǵashqy laboratorııalyq zertteý qorytyndysyna sáıkes, aldyn ala boljam boıynsha 12 túrli taǵam ishinen ishek taıaqshasy tobynyń bakterııalary tabylǵan.

«Tolyq saraptama qorytyndysy 21 qarashadan soń belgili bolady. Qazirgi tańda tekserý jumystary jalǵasyp jatyr», – dedi Jambyl oblystyq PD baspasóz hatshysy Gúlsara Muhtarqulova.

Eske salaıyq, 7 qarasha kúni mektep ashanasynda túski as ishken 48 adam tamaqtan ýlanǵan bolatyn.

Ekeýi eresek, qalǵany — balalar. Balalardyń kóbi – 7-10 jas aralyǵyndaǵy oqýshylar.