Jambylda poıyz qaǵyp ketken jumysshylar ólimine qatysty sot úkimi shyqty
ASTANA. KAZINFORM — Jambyl oblysy Shý aýdandyq soty temirjolda tórt qyzmetkerdiń qaza bolý oqıǵasy boıynsha úkim shyǵardy.
Qaıǵyly oqıǵa 2025 jylǵy 10 jeltoqsanda «Sheshenqara — Qarajyńǵyl» aralyǵynda boldy. Onda júk poıyzy temirjol súıemelin jóndeýmen aınalysyp jatqan brıgadany basyp ketken.
— Jumystar aralyqty jappaı jáne qajetti qaýipsizdik sharalaryn saqtamaı júrgizilgen. Poıyz mashınısine jolda adamdardyń júrgeni týraly ýaqytyly eskertilmegen. Basyp ketý saldarynan tórt qyzmetker qaza taýyp, taǵy eki adam jaraqat aldy, — dep habarlady Bas kólik prokýratýrasy.
Sottyń 2026 jylǵy 9 shildedegi úkimimen poıyz dıspetcheri 5 jylǵa bas bostandyǵynan aıyryldy. Saryshaǵan jol dıstantsııasynyń eki qyzmetkeri 3 jyl 6 aıǵa bas bostandyǵyn shekteý jazasyna sottaldy.
Budan bólek, úsheýine de temirjol kóligindegi qozǵalys qaýipsizdigin qamtamasyz etýge baılanysty qyzmetpen aınalysýǵa tyıym salyndy. Іs boıynsha memlekettik aıyptaýdy transporttyq prokýratýra qoldady.
Úkim zańdy kúshine engen joq.
Eske salaıyq, buǵan deıin Almatyda júk kóligi poıyzben soqtyǵysqanyn habarlaǵanbyz.
