Jambylda motokólik júrgizýshileriniń zańbuzýshylyǵy jıilegen

ASTANA. KAZINFORM — Jambyl oblysynda úsh kún ishinde motokólik júrgizýshileri tarapynan 236 jol qozǵalysy erejesin buzý deregi anyqtaldy, dep habarlaıdy polıtsııa departamenti.

Vedomstvo málimetinshe, reıd barysynda motokólikti mas kúıinde basqarýdyń 5 deregi, júrgizýshi kýáligi nemese qajetti sanaty joq 57 jaǵdaı tirkelgen.

- Sondaı-aq 8 júrgizýshi jalǵan memlekettik tirkeý nómirin paıdalanǵany úshin ákimshilik jaýapkershilikke tartyldy. Onyń ishinde 21 jaǵdaıda moped pen skýterdi tirkeýsiz basqarý faktisi anyqtalǵan, - dep jazdy vedomstvodan.

Quqyqbuzýshylyqtardyń jolyn kesý maqsatynda 99 motokólik aıyppul turaǵyna qoıyldy.

Polıtsııa qyzmetkerleri jol qozǵalysy erejelerin saqtaý – jol qaýipsizdiginiń basty kepili ekenin eske salyp, eki dońǵalaqty kólik ıelerin zań talaptaryna muqııat qaraýǵa shaqyrady.

Aıta keteıik, jambyldyq polıtseıler jolaýshylar tasymalyna tekserýdi kúsheıtti.