Jambylda mektepti jóndeýge bólingen 78 mln teńge bıýdjetke qaıtaryldy
ASTANA. KAZINFORM – Jambyl oblysynyń T. Rysqulov aýdanynda mektepti kúrdeli jóndeý kezinde naqty oryndalmaǵan jumystar úshin merdigerge negizsiz tólengen 78 mln teńgeden astam qarjy bıýdjetke qaıtaryldy.
Bul derekti aýdan prokýratýrasy bıýdjet qarajatynyń jumsalý zańdylyǵyna júrgizgen taldaý barysynda anyqtady.
Qadaǵalaý organynyń málimetinshe, Qanysh Sátbaev atyndaǵy orta mektepti kúrdeli jóndeý kezinde merdiger uıymǵa is júzinde oryndalmaǵan jumystar úshin 78 mln teńgeden astam qarajat aýdarylǵan.
«Prokýrorlyq qadaǵalaý aktisi negizinde atalǵan qarajat bıýdjetke tolyq kólemde qaıtaryldy», – dep habarlady prokýratýra.
Sonymen qatar aýdandyq bilim bólimi, merdiger uıym, sondaı-aq avtorlyq jáne tehnıkalyq qadaǵalaýdy júzege asyrǵan tulǵalar Ákimshilik quqyq buzýshylyq týraly kodekstiń 317-baby boıynsha jaýapkershilikke tartyldy.
Olarǵa jalpy somasy 1,4 mln teńge kóleminde ákimshilik aıyppul salyndy.
Qabyldanǵan sharalardyń nátıjesinde merdiger uıym qurylys jumystaryn tolyq kólemde jáne belgilengen merzimde aıaqtap, mektep paıdalanýǵa berildi.
Aıta keteıik, Atyraýda bes aıda 175,6 mlrd teńge qarjylyq buzýshylyq anyqtaldy.
