10:52, 27 Mamyr 2024 | GMT +6
Jambylda mektep túlegi mingen kólik apatqa ushyrap, bir adam mert boldy
TARAZ. KAZINFORM — 25 mamyr kúni mektep bitirý keshinen keıin Jambyl oblysynda jol-kólik oqıǵasy bolyp, bir adam qaza tapty.
Jambyl oblystyq polıtsııa departamenti baspasóz qyzmetiniń habarlaýynsha, oqıǵa Jańatalap aýylynan Aqtoǵan aýylyna qaraı bara jatqan jolda bolǵan.
Jańatalap aýylynan shyqqan «Toıota Kamrı» markaly avtokóliginiń 21 jastaǵy júrgizýshisi rólge ıe bola almaı, kólik jol jıegine aýdarylǵan.
Apat saldarynan kólik rýlindegi 21 jastaǵy azamatsha oqıǵa ornynda qaza tapty.
«Onyń jolaýshylary — 20, 17 jastaǵy azamattar jáne 11-synypty bitirýshi túlek aýrýhanaǵa jetkizildi. Jaǵdaıy birqalypty, baqylaýda. Atalǵan derek boıynsha qylmystyq is tirkeldi, qajetti saraptamalar taǵaıyndaldy» delingen baspasóz relızinde.
