Jambylda mektep oqýshysyn zorlaǵan depýtattyń kúıeýine qatysty sot úkimi shyqty
TARAZ. KAZINFORM - Jambyl oblysy Sarysý aýdanynda 12 jastaǵy qyzdy zorlady dep aıyp taǵylǵan kúdiktige qatysty sot úkimi shyqty.
55 jastaǵy aıyptalýshy – Sarysý aýdandyq máslıhatynyń depýtaty Galına Morozdyń kúıeýi. Aıta keteıik, jetkinshektiń aıaǵy aýyr bolyp, ony muǵalimder ata-anasynyń ruqsatynsyz jeke klınıkaǵa aparyp túsik jasatqan bolatyn.
«Kúdiktige ómir boıy pedagogıkalyq qyzmet atqarýyna shekteý qoıyla otyryp, 20 jyl bas bostandyǵynan aıyrý jazasy berildi. Moraldyq ótemaqy shyǵyny retinde 3 mln teńge tóleý mindetteldi. Kúdikti óz kinásin moıyndaǵan joq. Úkim zańdy kúshine engen joq», - delingen oblystyq sottyń baspasóz qyzmeti taratqan aqparatta.
Buǵan deıin Jambylda aıaǵy aýyr áıel perzenthanada óz-ózine qol jumsap qaıtys bolǵanyn jazǵan bolatynbyz.
