Jambylda mekeme basshylyǵy memlekettiń kólikterin satyp jibergen

QARATAÝ. KAZINFORM — Jambyl oblysy Talas aýdanynyń prokýratýrasy «Taza-Talas» kommýnaldyq memlekettik mekemesiniń teńgeriminde turǵan avtokólikterdi jymqyrý faktisin anyqtady. 

Mekeme basshylyǵy jalǵan qujattar negizinde, satylymǵa shyǵarmaı 4 avtokólikti úshinshi tulǵalarǵa satqan.

Memleketke kelgen zalal mólsheri — 22 mln teńge. 

Atalǵan derek negizinde Talas aýdanynyń prokýratýrasy QK 189-baby 4-bóligi 2-tarmaǵymen sotqa deıingi tergep tekserý bastaǵan.

Qylmystyq isti oblys prokýratýrasynyń sotqa deıingi tergep-tekserý basqarmasy tergedi.

Іs sheńberinde prokýratýra quny 10 mln teńgeni quraıtyn 2 avtokólikti qaıtaryp, 7 mln teńge memleket paıdasyna óndirildi.

Talas aýdandyq sotynyń 13 maýsymdaǵy úkimimen «Taza-Talas» mekemesiniń dırektory jáne onyń orynbasary memlekettik qyzmette laýazym atqarýǵa ómir boıyna tyıym sala otyryp, 7 jyl merzimge bas bostandyǵynan aıyryldy.

Sot úkimi zańdy kúshine engen joq.