Jambylda mal jaıýǵa shyǵyp qaıta oralmaǵan er adam aman-esen tabyldy

ASTANA. KAZINFORM — Jambyl oblysynda malshyny izdestirý-qutqarý operatsııasy sátti aıaqtaldy, dep habarlaıdy TJM baspasóz qyzmeti.

1972 jyly týǵan er adam jylqymen sharýa qojalyǵynan mal jaıýǵa shyǵyp, joǵalyp, baılanysqa shyqpaı jatqandyǵy týraly habarlama kelip tústi.

— Іzdestirý jumystary Aqtóbe aýylynan 14 shaqyrym jerde júrgizildi. TJM kúshteriniń jedel jáne úılesimdi is-qımyldary nátıjesinde joǵalǵan adam eldi mekennen 25 shaqyrym jerde, kórshi sharýa qojalyǵynyń aýmaǵynda tabyldy. Er adam medıtsınalyq kómekke muqtaj bolǵan joq, — deıdi mamandar.

TJM azamattarǵa alys jaıylymdarǵa shyǵý kezinde jaqyndaryna naqty marshrýt pen qaıtý ýaqytyn habarlaý qajettigin eskertedi.

Osyǵan deıin Atyraýda joǵalǵan azamattyń denesi Jaıyqtan tabylǵany málim boldy.