Jambylda qyzylordalyq 22 bala jappaı ýlandy: basqarma aqparatty joqqa shyǵardy

QYZYLORDA. KAZINFORM — Qyzylordadan Jambyl oblysyna oqý-jattyǵý jıynyna qatysý úshin barǵan 22 balanyń jappaı ýlanýy týraly derekti Qyzylorda oblystyq sport jáne týrızm basqarmasy joqqa shyǵardy.

15 qańtarda Taraz qalasynyń Merki aýdanyndaǵy «Turan» demalys aımaǵynda grek-rım kúresinen birneshe oblystyń qurama komandalary kadetter men jasóspirimder arasyndaǵy el chempıonatyna daıyndyqqa kirisken. Oqý-jattyǵý jıyny osy maqsatta júrgizilgen.

— Jıyn barysynda, ıaǵnı 21 qańtar kúni oblys quramasyndaǵy 3 balanyń dene qyzýy kóterilip, ishi qatyp, aýdandyq aýrýhanaǵa jetkizilgen. Osy jaǵdaıǵa baılanysty jattyqtyrýshylar qalǵan 19 balany qosymsha medıtsınalyq tekseristen ótkizgen. Tekseris barysynda sportshylardan eshqandaı aýrý belgileri anyqtalǵan joq. Sportshylar 29 qańtar kúni jattyǵý jıyny aıaqtalǵan soń grek-rım kúresinen el birinshiligine qatysady, — delingen habarlamada.

Basqarma jaǵdaıdy qatań baqylaýǵa alǵanyn jetkizdi. 

Buǵan deıin biz rastalmaǵan málimetterge sáıkes Merki aýdanynda ýlaný belgileri bar 20-dan astam bala aýrýhanaǵa jatqyzylǵanyn habarlaǵanbyz.