Jambylda bir otbasynyń 4 adamy gazdan ýlanyp kóz jumdy

TARAZ. KAZINFORM – Jambyl oblysynda eki otbasynyń 6 adamy gazdan ýlanyp qaza boldy.

Jambyl oblystyq TJ departamenti baspasóz qyzmetiniń habarlaýynsha, 17 qazan kúni saǵat 07:40 shamasynda Jambyl aýdany, Qyzylsharyq aýylynda jeke turǵyn úıde, aldyn ala boljam boıynsha, tabıǵı gazben janatyn peshtiń sónip qalýy saldarynan 3 adam gazdan ýlanyp qalǵan. 1963 jyly týǵan úı ıesi men onyń 1988 jyly týǵan uly oqıǵa ornynda kóz jumdy, al 2007 jyly týǵan nemeresi aýyr halde aýrýhanaǵa jatqyzyldy.

Sondaı-aq 16 qazan kúni T. Rysqulov aýdany, Jarylsý aýylynda jeke turǵyn úıde aldyn ala boljam boıynsha, gaz plıtasynan gaz tarap, úı ıeleri 1967 jáne 1975 jyldary týǵan erli-zaıypty jáne olardyń 2011 jáne 2019 jyly týǵan balalary ýlanyp kóz jumdy.

Eki qaıǵyly oqıǵaǵa qatysty sot-medıtsınalyq saraptama taǵaıyndaldy.

Jambyl oblystyq PD baspasóz qyzmeti osy derekterge qatysty «Adam ólimi» boıynsha qylmystyq is qozǵalǵanyn habarlady.