Jambylda bilim basqarmasynyń basshysy taǵaıyndaldy
ASTANA. KAZINFORM — Jambyl oblysy ákiminiń ókimine sáıkes Nurbek Ábýbekuly Orshybekov bilim basqarmasynyń basshysy laýazymyna taǵaıyndaldy, dep habarlaıdy ákimdiktiń baspasóz qyzmeti.
Nurbek Ábýbekuly 1979 jyly dúnıege kelgen. Ál-Farabı atyndaǵy Qazaq ulttyq ýnıversıtetinde bilim alǵan. Fızıka-matematıka ǵylymdarynyń kandıdaty.
2003-2004 jyldary birqatar kommertsııalyq uıymda eńbek etti.
2004-2011 jyldary aralyǵynda Ál-Farabı atyndaǵy Qazaq ulttyq ýnıversıtetinde oqytýshy qyzmetinen bastap, bólim basshysy, departament dırektory, kafedra dotsenti qyzmetterin atqarǵan.
QR BǴM qurylymynda 2011 jyldan bastap jumys isteıdi.
Almaty jáne Astana qalasy boıynsha bilim berý salasyndaǵy Baqylaý departamentiniń dırektory, Bilim jáne ǵylym salasyndaǵy baqylaý komıteti tóraǵasynyń orynbasary boldy.
2017 jyldan bastap búginge deıin QR Oqý-aǵartý mınıstirligi Balalardyń quqyqtaryn qorǵaý komıtetin basqarǵan.
Buǵan deıin Aıdarbek Qojanazarov Kókpar federatsııasynyń prezıdenti bolyp saılanǵanyn habarladyq.