Jambylda basshylar 30 mln teńgeniń bazasyn 270 myńǵa satyp jibergen
TARAZ. KAZINFORM — Talas aýdanynyń prokýratýrasy jyljymaıtyn kommýnaldyq múlikti zańsyz satý faktisin anyqtady.
2008 jyly «Igilik» kommýnaldyq memlekettik kásipornynyń basshylyǵy konkýrs uıymdastyrmaı osy mekemeniń óndiristik bazasyn tikeleı úshinshi tulǵalarǵa 270 myń teńgege satty.
Bul rette bazanyń baǵalaý quny — 30 mln teńge.
2022 jyly zańsyz menshik ıesi nesıe alý úshin múlikti mıkrokredıttik uıymǵa kepilge qoıǵan.
Osy fakt boıynsha byltyr 18 qazanda Talas aýdanynyń prokýratýrasy QK 362-babynyń 4-bóligi boıynsha kásiporynnyń burynǵy basshysyna qatysty sotqa deıingi tergeý bastady.
Onyń nátıjesi boıynsha qylmystyq is eskirý merzimi ótýine oraı toqtatyldy.
Sonymen qatar prokýrorlyq qadaǵalaý aktisi negizinde Jambyl oblysynyń mamandandyrylǵan aýdanaralyq ekonomıkalyq sotynyń 22 aqpan 2024 jylǵy sheshimimen ákimdiktiń satyp alý-satý sharty men kepildi jaramsyz dep taný týraly talap aryzy qanaǵattandyryldy.
22 mamyrda apellıatsııalyq saty birinshi satynyń sheshimin ózgerissiz qaldyrdy.
Sot aktisi zańdy kúshine endi, múlik memleketke tolyǵymen qaıtaryldy.
