Jambylda aıaǵy aýyr áıel perzenthanada óz-ózine qol jumsap qaıtys boldy
TARAZ. KAZINFORM – Jambyl oblysy Sarysý aýdanynyń 33 jasar turǵyny óz-ózine qol jumsap qaıtys boldy.
Oblystyq densaýlyq saqtaý basqarmasy baspasóz qyzmetiniń bergen málimetine súıensek, oqıǵa Taraz qalasyndaǵy Jambyl oblystyq perınataldyq ortalyǵynda 10 sáýir kúni oryn alǵan. Aıaǵy aýyr kelinshek júktiliktiń on altynshy aptasynda bolǵan.
«Júkti áıel jalǵan tolǵaq dıagnozymen OPS baqylaýynda boldy jáne tıisti em aldy. Júkti jaǵdaıda bolǵan kezde psıhologııalyq aýytqýlar baıqalmaǵan. Oqıǵa ornyna jedel-tergeý toby keldi. Atalǵan faktige baılanysty quqyq qorǵaý organdary 105-baptyń 1-bóligi, ıaǵnı, ózin-ózi óltirýge ıtermeleý boıynsha sotqa deıingi tergeý amaldaryn bastady, sot-medıtsınalyq saraptamasy júrgizilip jatyr. Aqparat tergeý aıaqtalǵannan keıin jarııalanady», – delingen baspasóz qyzmeti taratqan resmı aqparatta.
Aıta keteıik, marqumnyń artynda joldasy jáne 3 balasy qaldy. Balalarynyń úlkeni 6 jasta bolsa, ekeýi balabaqshaǵa barady.
Polıtsııa departamentiniń málimetinshe, atalǵan fakt boıynsha qylmystyq is qozǵalyp, jan-jaqty tekserý jumystary júrgizilip jatyr. Keshendi saraptama taǵaıyndalǵan, ony Jambyl oblystyq sot saraptamasy ınstıtýtynyń mamandary júrgizedi.
