Jambylda aýrýhana basshylary 758 mln teńge jymqyrǵan

ASTANA. KAZINFORM – Jambyl oblysynda aýrýhana basshylary 758 mln teńge jymqyrdy degen kúdikke ilindi. Bul týraly Sybaılas jemqorlyqqa qarsy is-qımyl agenttiginiń resmı ókili Arman Tileýkenov málim etti.

«Jambyl oblysy boıynsha Sybaılas jemqorlyqqa qarsy qyzmet bıýdjet qarajatyn asa iri mólsherde jymqyrý faktisi boıynsha Jambyl oblysy ákimdigi densaýlyq saqtaý basqarmasynyń qalalyq kópbeıindi aýrýhanasynyń laýazymdy tulǵalaryna qatysty sotqa deıingi tergeý júrgizip jatyr. Zalal somasy 758 mln teńgeden asady», — dedi ol brıfıngide.

Aıtýynsha, atalmysh is boıynsha eki adam qamaýǵa alynǵan.

«Sot sanktsııasymen kúdiktiler, aýrýhana bas dárigeriniń orynbasary jáne burynǵy bas esepshi qamaýǵa alyndy. Tergeý jalǵasyp jatyr», — dedi Arman Tileýkenov.