Jambylda aýrýhana bas dárigerine jala japqan azamat jaýapqa tartyldy

ASTANA. KAZINFORM — Áleýmettik jelide jalǵan aqparat taratqan adamǵa 495 myń teńge aıyppul salyndy, dep habarlaıdy Sarysý aýdandyq sotynyń baspasóz qyzmeti.

Sarysý aýdandyq soty áleýmettik jelide basqa adam týraly jalǵan jáne bedeline nuqsan keltiretin málimet taratqan azamat E.-niń isin qarady.

E. óziniń Facebook paraqshasynda T. esimdi adammen hat almasýdyń skrınshottaryn jarııalaǵan. Skrınshottarda aýrýhana ákimshiligine, sonyń ishinde bas dáriger K.-ǵa qatysty shyndyqqa janaspaıtyn, jala jabý sıpatyndaǵy málimetter bolǵan. Jazbada aýrýhana qyzmetkerlerin teris kórsetetin jáne medıtsınalyq uıym jumysyna baılanysty negizsiz aıyptaýlar da bar.

E. óziniń bul málimetterdi oıdan shyǵarmaǵanyn aıtyp, kinásin moıyndamaǵanymen, skrınshottardy jarııalaǵanyn rastady.

— Bas dáriger K. sotqa onyń bedeline nuqsan kelgenin aıtyp, zańǵa sáıkes jaza qoldanýdy surady. Zań boıynsha (ÁQBtK 73-3-baptyń 2-bóligi) mundaı áreket úshin 180 AEK aıyppul nemese 20 táýlik ákimshilik qamaq qarastyrylǵan. Sot E.-niń 6 kámeletke tolmaǵan balasy bar ekenin eskerip, aıyppuldy 30%-ǵa azaıtty. Nátıjesinde E.-ge 495 myń teńge aıyppul salyndy. Bul sheshim áli zańdy kúshine engen joq, — delingen habarlamada.

Budan buryn Almatyda er adam áleýmettik jelide taraǵan vıdeodan keıin qamaýǵa alynǵanyn jazǵanbyz.