Jambylda «Áýlıeata jastary» turǵyn úı baǵdarlamasy bıyl da jalǵasady

TARAZ. KAZINFORM – Jambyl oblysynda úshinshi jyl qatarynan júzege asyp kele jatqan «Áýlıeata jastary» turǵyn úı baǵdarlamasy bıyl da óz jalǵasyn tabady. Bul týraly oblys ákiminiń baspasóz qyzmeti habarlady.

Turǵyn úıdi nesıelendirý baǵdarlamasyn júzege asyrýǵa 2 mlrd teńge bólinip, onyń jartysy jergilikti bıýdjetten qaralsa, taǵy 1 mlrd teńgesi «Otbasy banki» tarapynan bólingen. Nátıjesinde bıyl 135 jasty baspanamen qamtamasyz etý josparlanyp otyr.

Qazirgi tańda taraptar arasynda kelisim jasaý jumystary júrgizilip jatyr.

Aıta ketsek, atalǵan baǵdarlama aıasynda byltyr 144 jas atalǵan baǵdarlama aıasynda baspanaly bolǵan edi.

Búgingi kúni oblysta 14 pen 35 jas aralyǵynda 354 myńnan astam jas turady. Bul – oblys turǵyndarynyń 29 paıyzy.