Jambylda asyrandy bala qaza tapty: ákesi qamaýǵa alyndy
ASTANA. KAZINFORM — Jambyl oblysynda 10 jastaǵy balanyń qaza bolýyna baılanysty sotqa deıingi tergeý júrgizilip jatyr, dep habarlaıdy Kazinform tilshisi.
Aldyn ala málimet boıynsha qaıǵyly oqıǵa óńirde bala asyrap alǵan otbasylardyń birinde bolǵan. Balanyń ólimine deıin oǵan qatygezdik kórsetilgen bolýy múmkin degen kúdik bar. Bul otbasynda taǵy tórt asyrandy bala tárbıelenip jatyr.
Jambyl oblystyq polıtsııa departamenti kúdiktiniń ustalǵanyn rastady.
— Jedel-izdestirý sharalary barysynda kúdikti «izin sýytpaı» ustalyp, ýaqytsha ustaý ızolıatoryna qamaldy. Qazirgi ýaqytta bolǵan oqıǵanyń barlyq mán-jaıyn anyqtaýǵa baǵyttalǵan tergeý amaldary júrgizilip jatyr. Tergeý jan-jaqty, obektıvti jáne tolyq kólemde ótedi, — dep málimdedi vedomstvonyń baspasóz qyzmeti.
Tergeý múddesine baılanysty ózge málimetter jarııalanbaıdy.
Buǵan deıin Batys Qazaqstanda órtten bir otbasynan bes bala kóz jumǵanyn jazǵanbyz.
