Jambylda Alphard kóliginiń júrgizýshisi 40-tan astam jol erejesin buzǵan
TARAZ. KAZINFORM – Bıylǵy qyrkúıekte jol polıtsııasy qyzmetkerleri «Batys Eýropa - Batys Qytaı» tas jolynda jyldamdyqty asyrǵany úshin Toyota Alphard avtokóligin toqtatqan.
Qujattardy tekserý kezinde sheteldik nómir taqqan avtokóliktiń Qazaqstan Respýblıkasynda tirkelmegeni jáne júrgizýshiniń 13 bap boıynsha 40-tan astam jol júrisi erejesin buzǵany anyqtaldy. Sondaı-aq osy quqyq buzýshylyqtar boıynsha 2024 jyldyń naýryzynda kólik júrgizýshisine aıyppul salynǵan.
Osy aptada Jýaly aýdandyq soty Toyota Alphard avtokóliginiń júrgizýshisine qatysty ákimshilik isti qarady. Sotta quqyq buzýshy kinásin moıyndap, jasaǵan is-áreketine ókinish bildirdi jáne sottan qatań jaza taǵaıyndamaýdy surady.
Sot quqyq buzýshynyń otbasylyq-múliktik jaǵdaıyn eskerip, aıyppul mólsherin 30 paıyzǵa tómendetti. ıAǵnı, sot qaýlysymen kólik júrgizýshisi kináli dep tanylyp, oǵan 51 myń teńge kóleminde ákimshilik aıyppul túrinde jaza taǵaıyndaldy.
Aıta ketsek, Oralda polıtsııa úsh kúnde 40-qa jýyq jol erejesin buzǵan kólik júrgizýshisin ustaǵanyn jazǵan bolatynbyz.
