Jambylda ákimdiktiń kesirinen fermerler jer telimderin ala almaǵan
ASTANA. KAZINFORM — Jambyl oblysy Sarysý aýdany ákimdigi 2024 jyldan bastap fermarlarge jer telimderin berý boıynsha konkýrstardy negizsiz toqtatty.
Jambyl oblysy Sarysý aýdanynyń prokýratýrasy jergilikti atqarýshy organ tarapynan jer zańnamasynyń buzylý faktilerin anyqtady.
— Zańnama talaptaryna sáıkes sharýa nemese fermer qojalyǵyn júrgizý jáne aýyl sharýashylyǵy óndirisi úshin jer ýchaskelerin berý jónindegi konkýrs jylyna keminde eki ret ótkizilýi tıis. Alaıda 2024 jyldan bastap aýdan ákimdigi atalǵan konkýrstardy ótkizýdi negizsiz toqtatyp, fermer-kásipkerlerdiń quqyqtaryn shektegen, — delingen aqparatta.
Prokýrorlyq qadaǵalaý aktisi negizinde zańsyz tájirıbe toqtatylyp, konkýrstardy ótkizý qaıta jandandyryldy. Qabyldanǵan sharalardyń nátıjesinde 13 fermer-kásipkerlerge jalpy aýmaǵy 4576 gektar jer ýchaskeleri berildi.
Kináli laýazymdy tulǵalar tártiptik jaýapkershilikke tartyldy.
Buǵan deıin Mańǵystaý oblysynyń prokýratýrasy ınvataksı qyzmetterin kórsetý kezinde zań buzýshylyqtardy anyqtaǵan bolatyn.
