Jambylda ákimdik úsh jyldan beri ınvestorǵa bos jatqan egis alqabyn bermeı kelgen
TARAZ. KAZINFORM - Jambyl oblysynyń Baızaq aýdanynda sút ónimderin óndirý jáne óńdeý, sondaı-aq iri qara malyn kútip-baǵý boıynsha ınvestıtsııalyq joba júzege asyp jatyr.
«Nurly-jaı» sharýa qojalyǵy jobaǵa 400 mln teńgege jýyq ınvestıtsııa salǵan jáne oblystaǵy aldyńǵy qatarly sharýashylyqtardyń biri.
Alaıda ınvestor úsh jyldan astam ýaqyt boıy ınvestıtsııalyq jobany odan ári júzege asyrý úshin jergilikti ákimdikten egis alqabyn ala almaǵan.
Jergilikti atqarýshy organ bos jerdiń joqtyǵyn aıtyp syltaýratqan.
Qadaǵalaý barysynda prokýrorlar osy aýdanda aýmaǵy 182 ga paıdalanylmaıtyn aýyl sharýashylyǵy ýchaskesin anyqtap, memleketke qaıtardy.
Prokýratýranyń kómegimen bul jer ýchaskesi ınvestorǵa bir aı ishinde berildi.
Bólingen jer ınvestıtsııalyq jobany damytýǵa paıdalanylady.
