Jambylda 9 balasyna alıment tólemegen ákege qatysty sot sheshimi shyqty
ASTANA. KAZINFORM — Jambyl oblysynda sot 9 balanyń ákesinen tabysynyń jartysyn alıment retinde óndirdi.
Jambyl oblysynyń Turar Rysqulov aýdandyq soty 9 kámeletke tolmaǵan balany asyraýǵa alıment óndirip alý týraly talap qoıý aryzy boıynsha azamattyq isti qarady.
Talap qoıý aryzǵa sáıkes, jaýapker balalardyń zańdy ákesi bolǵanymen, otbasymen birge turmaıdy jáne olardy olardy kútip-baǵýǵa materıaldyq kómek kórsetpeıdi. Taraptar áli resmı túrde nekede bolǵanyna qaramastan, olar birneshe aıdan beri birge turmaıdy.
Talap qoıýshy jaýapkerden balalar kámeletke tolǵanǵa deıin onyń tabysy men ózge de kirisinen barlyq túrlerinen 50% mólsherinde alıment óndirip alýdy surady. Іs materıaldary men dáleldemelerdi zerttep, sot málimdelgen talaptardyń negizdiligi týraly qorytyndyǵa keldi.
Sot taraptardyń otbasylyq jáne materıaldyq jaǵdaıyn, sondaı-aq ata-analardyń kámeletke tolmaǵan balalaryn asyraý mindetin eskerdi. Sot buıryǵymen aryz qanaǵattandyryldy.
— Jaýapkerden 2026 jylǵy tamyzdan bastap kámeletke tolǵanǵa deıin 9 balany asyrap-baǵýǵa aı saıyn tabysynyń jáne ózge de kirisinen 1/2 bóligi óndirildi. Sonymen qatar, jaýapkerden memleket kirisine memlekettik baj óndirildi. Sot aktisi zańdy kúshine endi, — delingen habarlamada.
Budan buryn Qostanaı oblysynda alıment qaryzy bar eki boryshker baspanasyn bergenin jazǵanbyz.
