Jambylda 28 jastaǵy turǵynnan esirtkiniń úlken partııasy tárkilendi
TARAZ. KAZINFORM – Jambyl oblystyq Polıtsııa departamenti Esirtki qylmysyna qarsy is-qımyl basqarmasynyń qyzmetkerleri Taraz qalasynyń prokýratýrasymen birlesip esirtki zattaryn satý maqsatynda daıyndap, saqtady degen kúdikpen Baızaq aýdanynyń 28 jastaǵy turǵynyn ustady.
Onyń turǵylyqty jerin tintý barysynda Teıa atty qyzmettik ıt ishinde ótkir ıisti jasyl tústi ósimdik tektes zaty bar qapshyqty tabýǵa kómektesti. Saraptama qorytyndysyna sáıkes alynǵan zat salmaǵy 13 keli 60 g keptirilgen marıhýana bolyp tabylady.
- Sot kúdiktige qatysty qamaýǵa alý túrindegi bultartpaý sharasyna sanktsııa berdi. Qazirgi ýaqytta sotqa deıingi tergeý amaldary júrgizilýde, barlyq mán-jaı anyqtalýda, - deıdi PD Esirtki qylmysyna qarsy is-qımyl basqarmasy bastyǵynyń mindetin atqarýshy Asqar Jumabekov.
Aıta ketsek, biz buǵan deıin Jambyl oblysynda 2 886 esirtki saıty buǵattalyp, 21 qylmystyq is tirkelgenin jazǵan bolatynbyz.
