Jambylda 220 myńǵa jýyq turǵyn MÁMS júıesine tirkelmegen
TARAZ.KAZINFORM – Jambyl oblysynda 219 990 turǵyn mindetti medıtsınalyq saqtandyrý júıesine tirkelmegen. Esepte joqtardyń qataryndaǵy 218 490 azamat jumyssyz bolsa, 7581-i 2023 jylǵy 16 qarashadan 2024 jylǵy 19 naýryz aralyǵynda turaqty jumysqa ornalasqan.
Bul týraly Jambyl oblystyq ákimdiginde ótken kezekti apparattyq keńeste «Áleýmettik medıtsınalyq saqtandyrý qory» AQ oblystyq fılıalynyń dırektory Lázzat Alımova habarlady. Sondaı-aq, óńirdegi MÁMS júıesiniń jumysy týraly baıandaǵan oblystyq densaýlyq saqtaý basqarmasynyń basshysy Janar Ospanova
«Búginde Baızaq, Qordaı, Jambyl, Shý aýdandary men Taraz qalasynda mindetti áleýmettik saqtandyrý isi baıaý júrgizilýde. Táýelsiz tólem jasaýdan bas tartqandardyń barlyǵyna ortaq bir sebep, ol – jumyssyzdyq. Aýyldardaǵy azamattar ál-aýqatynyń tómendigine baılanysty medıtsınalyq kómekke júgingende ǵana tólem jasaýdy jón kóredi. Turaqty jumysy bola tura, saqtandyrý tólemderi jasalmaǵan tulǵalar sany 4161-ge jetip otyr. Olardyń basym kópshiligi bilim salasynyń, ishki ister organdary men balabaqsha qyzmetkerleri», – dedi.
Aıta keteıik, búgingi kúnge oblysta áleýmettik jaǵdaıy tómen 10 110 adam jeńildik mártebesine ıe bolyp, memleket esebinen mindetti medıtsınalyq saqtandyrý paketine qol jetkizgen.